නේක පැහැ දළපත්‍ර - මල්වලින් උගුල්ලා
පොළෝ තල මත අතුරලා
සිනහ සී පෙති මතට - පා තබා පොඩි කරති
දුක් කදුළු එහි සඟවලා
සමනලුන් තටු විදා - ඉඟිලෙතැයි බය නිසා
නව යුගයකට මඟ කියා
කෝෂයෙන් එන්න පෙර - දළඹුවන් මරනවා
කාකයට රජකම තියා
වැටෙන පියවර ගානෙ - යළි නැඟී වෙර ගනිව්
විලෝපික ඇස් මඟැර දා
හීන පියගැට පෙළේ - මුල් පඩිය හරි උසයි
අත් නොහරිනූ කිසිම දා
තැලී පොඩි වී මැරුණු - දළඹුවන් ගැන කතා
නොකියාවි එයින් පසු දා
දුක් ගැහැට මැද වුවද - ඉගිල්ලුනු සමනලුනි
ලොව රැකෙන්නේ නුඹ නිසා
#යූටර්පි
26th October 2023 @7.13pm
No comments:
Post a Comment