නිමා වූ වසන්තය
කලට කලියෙන් පිපුණු මල්පෙති
සුවඳ තබමින් පරවුණා
සදාකාලික කලු වලාකුලු
හිස් අහස මත පාවුණා
නෙතු පියන් යට අකල් වැහි බිඳු
වසන්තය ගෙන නික්මුණා
රෑ අහස් කුස පුංචි තරුකැට
සඳ සොයා එහි වැලපුණා
කතර මිරිඟුව අතර හිනහෙන
සඳවතිය මට හිනහුණා
අහස් ගැඹ වෙත වඬින්නට බෑ
වසන්තය අවසන් වුණා.
නිමා වූ මල් සමයෙ සුපිපුණු
මල් සුවඳ ළඟ දැවටුණා
පරව ගිය මල මගේ සඳවත
නෙතු පියන් තව බරවුණා
පුංචි තරුකැට හඬා වැළපෙන
අහස මැද මම තනිවුණා
අනේ සඳවත මගේ හදවත
නුඹේ නමටම හැඬවුණා
නිමා වූ කාලයක නටඹුන්
ශීත සමයක දිලිසුණා
සුසුම් ගී මැද මගේ තරු කැට
වසන්තය ළඟ හිනැහුණා
#යූටර්පි
No comments:
Post a Comment